Fá serligar +prísir og aðrar góðar fyrimunir við Miklapluss appini

Miklapluss er ein app, ið inniheldur fyrimunir og snildar hentleikar so sum +prísir, persónligir prísir, tilboðsblað, innkeypslista, kvittanir, spøl og frískleikagaranti. Tak appina niður á tína snildfon í App Store elle Google Play.

Miklapluss gevur tær atgongd til pluss prísir, ið einans Miklapluss kundar kunnu gagnnýta. Tú fært eisini persónligar prísir, ið eru smíðaðir eftir, hvørjar vørur tú ofta keypir. Við Miklapluss appini kanst tú fáa endurrindað pening fyri modnar frukt og grønt vørur umvegis frískleikagarantiið.

Tað er lætt. Tú gerst Miklapluss kundi, tá tú tekur appina niður á tína snildfon og skrásetir títt gjaldkort. Tú kanst taka appina niður á App Store ella Google Play.

Fyri at gerast Miklapluss kundi mást tú skráseta títt navn, tína teldupostadressu og tínar gjaldkortupplýsingar.

Ja, tað kanst tú. Men fyri at gagnnýta allar teir góðu fyrimunirnar so sum +prísir, persónligar prísir og frískleikagaranti, mást tú tilknýta títt gjaldkort.

Tú rindar við gjaldkortinum, ið tú hevur skrásett í Miklapluss appini. Gev gætur; fyri at gagnnýta fyrimunirnir er einans møguligt at gjalda við gjaldkortinum, ið tú hevur skrásett í Miklapluss appini. Tá vørurnar verða skannaðar við kassan, sæst Miklapluss avslátturin ikki beinanvegin. Avslátturin fer tó sjálvvirkandi av, tá tú rindar við gjaldkortinum og sæst á tínari kvittan. Til ber at gjalda við vanligu kassarnar eins og við sjálvgreiðslukassarnar.

Tað gert tú á tínum vanga í appini. Trýst á ‘Skráset gjaldkort’. Síðan kanst tú skráseta títt gjaldkort á tínum vanga. Hereftir ber til at bæði strika og skráseta gjaldkort, sum tú ynskir.

Ja, tað er trygt. NETS umsitir trygdina og tínar gjaldkortupplýsingar – júst sum tey gera frammanundan. Miklagarður liggur ikki inni við tínum kortupplýsingum.

Persónligir prísir eru serligir prísir, ið eru sniðgjørdir til hvønn einstaka Miklapluss kunda. Prísirnir eru smíðaðir eftir, hvørjar vørur kundin ofta keypir. Gagnnýtir tú eitt persónligt tilboð, fært tú hereftir eitt nýtt tilboð. Gagnnýtir tú ikki tilboðið, verður tað skift út eftir eina viku, og fært tú síðani eitt nýtt tilboð. Tú fært tríggjar nýggjar persónligar prísir um vikuna. Jú oftari tú nýtir appina, jú persónligari gerast persónligu prísirnir. Tú kanst keypa eina av hvørjari vøru fyri persónligan prís; keypir tú meira enn eina vøru, hevur vøran hereftir vanligan prís. Minst til, at persónligir prísir skulu virkjast í appini og fyri at gagnnýta persónligu prísirnir, mást tú skráseta títt gjaldkort.

Pluss prísir eru prísir, sum einans Miklapluss kundar kunnu gagnnýta. Prísirnir eru einans sjónligir í Miklapluss appini og ikki í handlinum. Tað er ikki neyðugt at virkja pluss prísinir í appini.

Fyri at virkja persónligar prísir og gagnnýta +prísir og frískleikagarantiið, mást tú skráseta títt gjaldkort. Tá tú rindar við skrásetta gjaldkortinum, fer avslátturin sjálvvirkandi av – soleiðis sleppur tú frá at lata appina upp, tá tú rindar við kassan.

Tú skalt verða fylt/ur 18 ár fyri at nýta Miklapluss appina.

Ja, øll, ið eru búsitandi í Føroyum og eru yvir 18 ár, kunnu nýta Miklapluss appina.

Tú kanst lættliga fáa eitt nýtt loyniorð til vangan, um tú hevur gloymt tað. Trýst á ‘Gloymt loyniorð’ á innritingarsíðuni í appini. Síðan fært tú ein teldupost, ið greiðir frá, hvussu tú víðari bert teg at.

Ja, tú kanst skráseta upp til fimm gjaldkort á tínum vanga. Eisini ber til at skráseta eitt deilikort – t.d. um tú og makin hava eitt felags matkort.

Tú kanst skráseta tey vanligu gjaldkortini so sum Dankort, VISA, MasterCard, Visa Electron v.m. Minst til, at tú kanst skráseta upp til fimm gjaldkort til tín vanga.

Tú mást virkja tínar persónligu prísir í appini við at trýsta á ‘Virkja tilboð’. Tá tú rindar fyri vøruna, fer avslátturin sjálvvirkandi av.

Tá tú hevur virkjað tín persónliga prís, kanst tú nýta hann, so leingi tíðarásetingin vísir.

Tú mást virkja tín persónliga prís, áðrenn tú rindar, fyri at gagnnýta tilboðið. Til ber ikki at fáa avslátturin eftir keypið. Tá tú virkjar tilboðið, fer avslátturin sjálvvirkandi av.

Frískleikagaranti merkir, at tú kanst biða um endurrindan fyri spilta frukt og grønt vøru beinleiðis í appini. Tá tín fyrispurning um endurrindan er góðkendur, fært tú ein tilgóðarseðil í appini, sum tú mást virkja fyri at nýta. Upphæddin fer sjálvvirkandi av, tá tú næstu ferð keypir í Miklagarði. Frískleikagarantiið kann nýtast tvær ferðir um mánaðin – triðju ferð verður tú biðin um at bera vøruna aftur í handilin.

Frískleikagarantiið skal nýtast innan 24 tímar eftir keypið.

Frískleikagarantiið er galdandi fyri frukt og grønt vørur.

Lat ‘Kvittanir’ upp í appini og vel viðkomandi kvittan. Trýst á knøttin ‘endurrinda’ og set flugubein við vøruna, ið tað snýr seg um. Trýst síðan á knøttin ‘Tak mynd og fá endurrindan’. Tak síðan eina mynd ella vel eina úr tínum myndasavni og send. Tá tín fyrispurningur er viðgjørdur, móttekur tú ein virðisseðil í appini. Minst til at virkja virðisseðilin, áðrenn tú ynskir at nýta hann.

Tín fyrispurningur verður avgreiddur skjótast gjørligt, og tú móttekur virðisseðilin beinleiðis í tínari Miklapluss app.

Tá tú hevur vunnið ein vinning í einum spæli í appini, móttekur tú ein virðisseðil í appini, ið tú kanst nýta, næstu ferð tú keypir í Miklagarði. Virðisseðilin finnur tú undir ‘Heim’. Minst til at virkja virðisseðilin, áðrenn tú ynskir at nýta hann.

Nei, tíverri. Tað ber hvørki til at býta vinningin við aðra vøru ella at fáa reiðan pening útgoldnan.

Trýst á ‘Innkeypslisti’ í appini. Her kanst tú leggja vørur afturat listanum, rætta og strika vørur. Tú kanst leita eftir vørum í leitngariteiginum, og tú kanst eisini leggja vørur í innkeypslistan beinleiðis frá tilboðsblaðnum og frá uppskriftum.

Tú mást virkja tín virðisseðil í appini. Tú sært altíð, hvussu nógvan pening tú hevur tilgóðar á tínum vanga. Tá tú hevur virkjað tín tilgóðarseðil, fer upphæddin sjálvvirkandi av, tá tú keypir í Miklagarði.

Ynskir tú at deila innkeypslistan við onnur, trýst so á deili-ikonið ovast í høgra horni. Síðan kanst tú velja, um tú ynskir at gera ein felags innkeypslista ella bert senda eitt avrit av innkeypslistanum.

Ja, tað kanst tú. Tá tú stovnar brúkara í appini, hevur tú møguleika at velja ‘push-boð’ til og frá. Tú kanst altíð bæði til- og frávelja push-boð. Trýst á vanga-ikonið í høgra ovara horni og síðan ‘Push-boð og tíðindabræv’. Her kanst tú til- ella frávelja push-boð.

Um tú velir push-boð til, tá tú stovnar brúkara á Miklapluss appini, fært tú sjálvvirkandi tíðindabrøv á ta teldupostadressuna, ið tú hevur skrásett. Tú kanst altíð bæði til- og frávelja tíðindabrøv. Trýst á vanga-ikonið í høgra ovara horni og síðan ‘Push-boð og tíðindabræv’. Her kanst tú til- ella frávelja tíðindabrøv. Sært tú ikki tíðindabrøvini í tínum innbakka, kanna so eftir í spamm.

Tú sært á tínari kvittan, at avslátturin er farin av. Finn allar tínar kvittanir í appini undir ‘Kvittanir’.